Mae Grantiau Gwella Eiddo Canol Trefi Blaenau Gwent yn cynnig cymorth ariannol ar gyfer gwelliannau i eiddo yng nghanol trefi dynodedig y Fenni, Cil-y-coed, Cas-gwent a Threfynwy (gweler dolenni i’r mapiau cysylltiedig yma).

Mae Cyngor Sir Fynwy yn ymroddedig i sicrhau fod canol trefi yn parhau yn lleoedd bywiog a chroesawgar sy’n diwallu anghenion cymunedau lleol, busnesau ac ymwelwyr. Nod y cynllun yw sicrhau dull gwell ac integredig at adfywio ffisegol canol trefi Sir Fynwy. Caiff ei ariannu drwy Grant Creu Lle Trawsnewid Trefi Llywodraeth Cymru a Chyngor Sir Fynwy.

Mae’r cynlluniau a dderbyniwyd yn:

• Welliannau mewnol ac allanol i ddod â gofod llawr masnachol gwag yn ôl i ddefnydd cadarnhaol.
• Gwelliannau i wyneb allanol siopau heb unrhyw waith mewnol.
• Trawsnewid lloriau gwag sy’n wag neu heb eu defnyddio’n llawn ar gyfer llety preswyl newydd.
• Gwaith i alluogi defnydd cyfamser dros dro, mewn adeiladau sy’n wag ar hyn o bryd mewn canol trefi

Mae’r cynllun yn agored i berchnogion eiddo o fewn y ffiniau cymwys neu lesddeiliaid gydag o leiaf saith mlynedd o brydles ar ôl (neu bum mlynedd ar gyfer gwaith allanol yn unig lle mae’r grant dan £50,000).

Mae’r cyllid sydd ar gael yn gyfyngedig a rhoddir blaenoriaeth i brosiectau sy’n cyflwyno buddion adfywio sylweddol i ganol trefi. Caiff ceisiadau eu hystyried fel y maent yn dod i law. Felly, rydym yn argymell fod ymgeiswyr yn anfon eu datganiadau diddordeb cyn gynted ag sydd modd.

Dywedodd y Cyng Paul Griffiths Dirprwy Arweinydd ac Aelod Cabinet Cynllunio a Datblygu Economaidd Cyngor Sir Fynwy: “Mae hyn yn gyfle gwych i fusnesau yng nghanol trefi Sir Fynwy i wella eu heiddo a hefyd i wella golwg a theimlad y canol trefi eu hunain. Mae denu preswylwyr ac ymwelwyr i ganol ein trefi yn hanfodol ar gyfer yr economi leol. Rwy’n edrych ymlaen at weld y gwelliannau gwych y bydd y grant hwn yn eu galluogi.”

Mae’r cyngor yn awr yn gwahodd rhai sydd â diddordeb i lenwi ffurflen datgan diddordeb fydd ar gael tan 9 Chwefror 2024. Mae’r Ffurflen ar gael drwy glicio ar y ddolen isod:

Map y Fenni – lawrlwythwch yma

Map Cas-gwent – lawrlwythwch yma

Map Cil-y-coed – lawrlwythwch yma

Map Trefynwy – lawrlwythwch yma

Os oes gennych unrhyw gwestiynau neu os hoffech gael mwy o wybodaeth ar y cynllun yna anfonwch e-bost at mccregeneration@monmouthshire.gov.uk