Mae @ssistivetech (Careline gynt) yn wasanaeth lleol, sy’n cynnig cymorth personol i bobl yn Sir Fynwy. Yn fwy na gwasanaeth, mae @ssistivetech yn helpu pobl i deimlo’n ddiogel yn eu cartrefi eu hunain, gan wybod bod staff cyfeillgar a chymwynasgar ar gael unrhyw adeg o’r dydd, unrhyw ddiwrnod o’r flwyddyn.

Mrs H: ‘Mae @ssistivetech yn sicr wedi bodloni fy nisgwyliadau ac wedi rhoi ymdeimlad o sicrwydd i mi’.

Gofalwyr am Mr B: ‘Mae’r gwasanaeth yn rhoi tawelwch meddwl iddo ef a ninnau, mae’r staff yn wych ac mae’r gwasanaeth yn ei alluogi i aros gartref, sef yr hyn y mae ei eisiau’.

Mrs W: ‘Roedd y broses o osod yr offer yn ardderchog’. Mrs S: ‘Mae’n rhoi mwy o hyder i mi a llai o ofn ynghylch methu â chysylltu ag unrhyw un pe bawn i’n cwympo’.

Astudiaeth Achos: Pat, 83 oed, sy’n byw yng ngogledd Sir Fynwy

Cefndir

Mae gan pat dementia ac mae’n dal i fyw adre ar hyn o bryd. Pan na all ei theulu ymweld, maent yn ei ffonio ond roedd hyn wedi dod yn anodd gan fod defnyddio’r ffôn wedi dod yn gynyddol ddryslyd iddi, gan wneud cyfathrebu yn anodd.

Ceisio help

Cyslltodd ei theulu â’r tîm Technoleg Gynorthwyol  yn Sir Fynwy ac fe wnaethant argymell a gosod dyfais Komp, oedd wrthi’n gweithio o fewn munudau. Mae’r Komp yn edrych fel teledu ond mae’n galluogi ei theulu i wneud galwadau fideo iddi. Dim ond pobl a wahoddir i’r ap all ei ddefnyddio, gan sicrhau mai dim ond teulu a chyfeillion all gysylltu â hi.

Manteision  Kom

Mae gan  Komp nifer o fanteision o gymharu â dyfeisiau eraill:

• Symlrwydd: Mae ei ddyluniad syml a’i sgrin fawr yn ei gwneud yn rhwydd gweld wynebau cyfeillgar
• Galwadau Fideo: Bu’r cyfleuster galwad fideo yn arbennig o fanteisiol, gan ei galluogi i aros mewn cysylltiad â’i theulu a gweld ei hwyrion yn rheolaidd.
• Sioe Luniau: Pan nad yw’n cael ei ddefnyddio ar gyfer galwad fideo, gall ei theulu roi lluniau ar y Komp, a chânt eu dangos fel sioe sleidiau.

“Mae mam wrth ei bodd yn edrych ar y lluniau yma ac mae’n rhoi cyfle gwych i eistedd gyda’n gilydd a siarad am yr atgofion a’r pobl yn y lluniau, hyd yn oed pan nad yw’n cofio’r bobl sydd ynddynt”.ictures.  Even when she doesn’t remember the people in the photos, she recognises that they are happy and friendly faces and that is a comfort to her.” said Pat’s daughter.

Effaith ar y teulu

Dywedodd un o ferched Pat: “Mae Komp wedi cael effaith sylweddol ar ein teulu. Nid oedd fy mrawd, sy’n byw dramor, yn sylweddoli beth oedd cyflwr mam nes iddo ei weld drwy ap Komp. Fe wnaeth y galwad fideo (yn hytrach na galwad llais syml) iddo sylweddoli faint roedd wedi dirywio. Fe wnaeth hyn effeithio arno, ac fe wnaeth drefnu i hedfan gartref ac ymweld â hi yr wythnos ganlynol.”

Cysur Ychwanegol: Y Gath Anwes Ryngweithiol

Dywedodd teulu Pat wrthym faint roedd yn caru anifeiliaid, felly roeddem yn falch i gynnig Cath Anwes Ryngweithiol iddi. Soniodd ei merch wrthym yr effaith a gafodd:

“Fe wnaethom fabwysiadu cath anwes ryngweithiol, a wnaeth i ni wenu llawer. Mae fy mam yn hoff iawn ohoni ac mae’n rhoi cymaint o lawenydd iddi. Roedd wrth ei bodd gydag anifeiliaid anwes ac mae’n trin y gath yma fel cath go iawn. Gall y gath fewian, symud a chanu grwndi, neu chael ei gosod ar dawel. Mae’n mynd â hi i’r gwely gyda hi ac yn mynd i gysgu ar y gadair yn rhoi cwtsh iddi. Mae’r gath yn cynnau greddf mam i ofalu am rywbeth, gan roi teimlad o ddiben a thawelwch iddi. Mae’n aml yn siarad gyda hi ac yn cael cysur mawr mewn rhoi cwtsh iddi. Daeth y gath yn rhan o’n teulu, gan ddod i’n holl gyfarfodydd a bob amser yn ymddwyn yn berffaith.”

Casgliad

Mae cyflwyno’r Komp a’r Gath Anwes Ryngweithiol wedi gwella ansawdd bywyd Pat a’i theulu yn sylweddol. Mae’r technolegau wedi rhoi cyfathrebu effeithiol a chysur emosiynol. Wrth i’w chyflwr gynyddu, mae’r teulu yn siarad gyda’r tîm Technoleg Gynorthwyol am ffyrdd eraill i’w chefnogi i fyw adre cyhyd ag sy’n bosibl.