Peidiwch ag anghofio eich prawf ID â llun
Heb brawf ID â llun, ni fyddwch yn gallu pleidleisio yn yr etholiad hwn
Bydd etholiadau i benodi Aelod Seneddol ar gyfer Etholaeth Mynwy yn cael eu cynnal ar 4ydd Gorffennaf 2024.
Sut ydw i’n gwybod pwy sy’n sefyll mewn etholiad?
Bydd manylion am yr ymgeiswyr a fydd yn sefyll yn yr etholiad dim ond yn hysbys ar ôl 7fed Mehefin 2024.
Gallwch ddarganfod mwy am yr ymgeiswyr ar y dudalen hon ar ôl hynny.
Sut ydw i’n pleidleisio yn yr etholiad?
Ar 4ydd Gorffennaf 2024, bydd 89 o orsafoedd pleidleisio ar agor ledled Sir Fynwy rhwng 7am a 10pm. Ar yr amod eich bod wedi cofrestru i bleidleisio ac nad ydych wedi cofrestru i bleidleisio drwy’r post, byddwch yn derbyn cerdyn pleidleisio erbyn 10fed Mehefin 2024 a fydd yn dweud yn dweud wrthych ba orsaf bleidleisio yr ydych wedi cofrestru i bleidleisio ynddi.
Ydych chi wedi cofrestru i Bleidleisio?
YDYCH CHI WEDI COFRESTRU I BLEIDLEISIO?
Os nad ydych wedi cofrestru i bleidleisio, ni fyddwch yn gallu pleidleisio yn yr etholiad
Y dyddiad cau ar gyfer cofrestru i bleidleisio yn yr etholiad hwn yw 18fed Mehefin 2024
Nid yw pobl dan 18 a gwladolion tramor yn gymwys i bleidleisio yn yr Etholiad Cyffredinol gan fod yr etholiad yn dod o dan ddeddfwriaeth y DU yn hytrach na deddfwriaeth Llywodraeth Cymru.
Nid yn siŵr lle mae eich gorsaf bleidleisio?
Gallwch ddefnyddio’r teclyn chwilio isod i’ch helpu i ddod o hyd i leoliad eich gorsaf bleidleisio a mwy o wybodaeth amdani.
Nodwch fod y gorsafoedd yn rhai a nodir dros dro hyd at 7fed Mehefin 2024, a bydd manylion terfynol y lleoliad a ddyrennir i chi yn cael eu cynnwys ar y cerdyn pleidleisio sy’n cael ei anfon atoch.
Rhowch eich cod post yma, yna cliciwch
‘Dod o hyd i’ch gorsaf bleidleisio’
Pleidleisio drwy’r Post
Os na fyddwch yn gallu ymweld â gorsaf bleidleisio neu os byddai’n well gennych bleidleisio drwy ddulliau eraill, gallwch wneud trefniadau amgen i bleidleisio drwy’r post, neu benodi dirprwy i bleidleisio ar eich rhan yn eich gorsaf bleidleisio.
Gellir lawrlwytho cais am bleidlais bost drwy glicio yma. Mae angen eich llofnod inc gwlyb ar y cais, felly argraffwch a chwblhewch y ffurflen gais. Yna gallwch bostio’r cais yn ôl atom i: Cofrestru Etholiadol, Cyngor Sir Fynwy, Neuadd y Sir, Y Rhadyr, Brynbuga, NP15 1GA neu e-bostio’r cais i elections@monmouthshire.gov.uk.
Ni fydd unrhyw etholwr sydd â phleidlais bost bresennol yn derbyn ei bleidlais drwy’r post cyn 20fed Mehefin 2024. Gall unrhyw un sy’n gwneud cais am bleidlais drwy’r post ar ôl 22ain Mai 2024 ddisgwyl derbyn eu pleidlais bost tua’r 26ain Mehefin 2024. Bydd angen i chi ystyried y dyddiadau hyn wrth wneud cais am bleidlais drwy’r post. Os nad yw’r rhain yn briodol, efallai yr hoffech ystyried penodi dirprwy lle mae rhywun arall yn bwrw eich pleidlais ar eich rhan.
Os oes angen i chi ganslo’ch pleidlais drwy’r post bresennol, rhaid ei chanslo erbyn 5pm ar 19eg Mehefin, er mwyn i chi allu gwneud trefniadau amgen.
Rhaid i geisiadau i bleidleisio drwy’r post gael eu cyflwyno’n gywir erbyn 5pm ar 19eg Mehefin 2024.
Rhaid cyflwyno ceisiadau am bleidleisio drwy ddirprwy yn gywir i ni erbyn 5pm ar 26ain Mehefin 2024. Gallwch wneud cais i gofrestru i bleidleisio drwy ddirprwy yma
Mae canllaw ar sut i gwblhau a dychwelyd eich pleidlais bost wedi’i gynnwys yn eich pleidlais bost.
Os na fyddwch yn derbyn eich pleidlais bost yn ôl y disgwyl, ni ellir cyflwyno un arall tan 28ain Mehefin 2024. Byddem yn argymell eich bod yn ymweld â Neuadd y Sir, Brynbuga, gan ddod ag hunaniaeth ffotograffig gyda chi, er mwyn cael pleidlais drwy’r post yn hytrach na dibynnu ar un arall i gael ei phostio atoch o gofio pa mor agos at y diwrnod pleidleisio ydyw.
Anogir pleidleiswyr i ddychwelyd eu pleidlais bost cyn gynted â phosibl. Er ei bod yn dal yn bosibl cyflwyno pleidlais bost i’r orsaf bleidleisio neu i Neuadd y Sir, Brynbuga bydd gofyn i chi gwblhau ffurflen datganiad a byddwch yn gyfyngedig o ran nifer y pleidleisiau post y gallwch eu cyflawni. Bydd methu â chwblhau’r ffurflen hon yn arwain at wrthod eich pleidlais.
ID Pleidleiswyr
Bydd angen i unrhyw un sy’n pleidleisio yn yr etholiad hwn ddarparu prawf ID sydd â llun yn yr orsaf bleidleisio cyn y caniateir iddynt bleidleisio.
Os nad oes gennych unrhyw fath derbyniol o brawf adnabod, gallwch wneud cais am dystysgrif pleidleisiwr. Bydd angen i chi fod wedi cyflwyno ffurflen gais ar gyfer hyn erbyn 5pm ar 26ain Mehefin 2024. Gallwch wneud cais ar-lein am eich tystysgrif pleidleiswyr yma.
Sut ydw i’n gwybod pwy sydd wedi ennill?
Bydd y bleidlais yn cael ei gyfrif drwy’r nos yn dilyn diwedd y bleidlais am 10pm ar 4ydd Gorffennaf 2024.
Bydd manylion canlyniad yr etholiad ar gael ar hafan gwefan y Cyngor unwaith y bydd wedi’i gyhoeddi.