MAE’R MEINI PRAWF AR GYFER CLUDIANT ÔL-16 WEDI NEWID AR GYFER Y FLWYDDYN ACADEMAIDD 2025/2026 – NID YW FFURFLENNI CAIS YN CAEL EU HASESU AR Y SAIL ‘Y CYNTAF I’R FELIN’ OND AR Y PELLTER PELLACH YN GYNTAF. NI FYDD Y MYFYRWYR HYNNY SYDD A MYNEDIAD AT RWYDWAITH GWASENEATH GYHOEDDUS YN CAEL EU HYSTRYRIED. RHAID CWRDD Â’R MEINI PRAWF CANLYNOL:
(i) Mae’r myfyriwr yn byw yn Sir Fynwy.
(ii) Mae’r myfyriwr yn byw 3 milltir neu fwy o’r sefydliad addysgol a
(iii) Mae’n mynychu ei ysgol ddalgylch neu chweched dosbarth agosaf ar gyfer eu dewis raglen astudio addysg bellach ac amser llawn swyddogol
Y myfyrwyr hynny sy’n byw bellaf o’r ysgol fydd yn cael blaenoriaeth.
Mae’n bosibl y bydd myfyrwyr sy’n byw yn Sir Fynwy ac sydd dros 16 ac o dan 19 ar ddechrau’r flwyddyn academaidd yn gallu gwneud cais am Gludiant Rhatach Ôl-16 os ydynt yn bodloni’r meini prawf. Nid yw cludiant wedi’i warantu a bydd yn cael ei ddyfarnu dim ond os oes seddi gwag ar gontractau presennol. Os dyfernir cludiant, bydd cyfraniad rhieni o £538 neu £269 os ydynt yn derbyn rhai budd-daliadau. Nid oes rhaid talu hwn yn llawn a gellir ei dalu drwy gynllun rhandaliadau y cytunwyd arno gyda’r tîm mân ddyledwyr. Yr unig amod yw bod yn rhaid talu cyfraniad y Rhiant cyn diwedd y flwyddyn academaidd.
Sylwer y bydd ffurflenni cais Cludiant Rhatach Ôl-16 ar gyfer y flwyddyn academaidd ganlynol ar gael o’r 1af Mai bob blwyddyn, ni fydd unrhyw ffurflenni cais a dderbynnir cyn y dyddiad hwn yn cael eu hystyried, byddant yn cael eu tynnu oddi ar ein system a bydd angen i chi wneud cais arall. Mae hyn er mwyn sicrhau bod pawb yn cael yr un cyfle i wneud cais am gludiant rhatach.
Os nad ydych yn byw yn Sir Fynwy ond bod gennych blentyn ôl-16 yn mynychu ysgol yn Sir Fynwy, ni fyddant fel arfer yn gymwys i gael cludiant. Fodd bynnag, os bydd gennym seddi gwag ar ôl ar ôl i holl geisiadau trigolion Sir Fynwy gael eu hystyried, byddwn yn ystyried ceisiadau gan drigolion nad ydynt yn byw yn Sir Fynwy.
Os dyfernir seddi, nid oes unrhyw sicrwydd y bydd y sedd ar gael am y flwyddyn academaidd gan y bydd cais gan ddysgwr sy’n gymwys am gludiant statudol yn golygu y bydd y sedd yn cael ei hail-ddyrannu iddynt.
Nid yw cludiant ôl-16 yn wasanaeth statudol ac fe’i cynigir yn ôl disgresiwn, ac felly nid oes hawl i apelio os na ddyfernir sedd Gostyngol Ôl-16 i chi.
Ni fydd disgyblion yn cael eu hawdurdodi i ddefnyddio Lleoliad Rhatach Ôl-16 hyd nes y ceir cadarnhad swyddogol yn ysgrifenedig gan yr Uned Cludiant Teithwyr. Os dyfernir cludiant i chi a’ch bod yn symud ysgol neu gyfeiriad, yna dylech hysbysu’r Uned Cludiant Teithwyr ar unwaith yn ysgrifenedig fel y gallwn ailasesu a ydych yn gymwys ar gyfer y cludiant. Os caiff eich sedd ei chanslo wedyn, byddwn yn adolygu’r balans ar unrhyw daliadau ac os bydd angen, byddwn yn rhoi ad-daliad i chi. Os ydych yn talu mewn rhandaliadau, byddwn yn cyfrifo’r ffi sy’n ddyledus ar yr adeg y caiff y cludiant ei dynnu’n ôl ac yn eich hysbysu o hynny. Byddwch yn parhau i fod yn atebol am unrhyw daliadau sy’n ddyledus. Ni fyddwn yn derbyn ceisiadau am deithio rhatach ar gyfer unrhyw ddysgwr sydd â balans yn weddill o flwyddyn academaidd flaenorol.
Meini Prawf Prawf Modd ar gyfer Cludiant Rhatach Ôl-16 Gostyngol
Rhaid i chi fod yn derbyn un o’r budd-daliadau canlynol, a darparu tystiolaeth gyfredol o’r rhain gyda’ch cais:
• Cymhorthdal Incwm
• Lwfans Ceisio Gwaith (Seiliedig ar Incwm)
• Credyd Treth Plant gydag incwm blynyddol o lai na £16,190 (nid oes gennych hawl os ydych hefyd yn derbyn Credyd Treth Gwaith).
• Lwfans Cyflogaeth a Chymorth (Cysylltiedig ag Incwm)
• Elfen gwarant Credyd Pensiwn
• Cymorth o dan Ran VI o Ddeddf Mewnfudo a Lloches 1999
• Credyd Cynhwysol – lle nad yw’r incwm misol net a enillir yn fwy na £616.67.
I gael rhagor o wybodaeth ynghylch a fyddech yn gymwys i wneud cais am Gludiant Ôl-16, gweler y Siart Llif Ôl-16 isod. Gellir dod o hyd i fanylion am sut i wneud cais am gludiant ar y dolenni isod:
Adolygwch y polisi ac yna cwblhewch y ffurflen gais ar-lein ar Fy Sir Fynwy ar gyfer Cludiant Ôl-16. Os nad ydych eisoes wedi cofrestru ar gyfer Fy Sir Fynwy, bydd angen i chi wneud hyn, gan ddefnyddio’r ddolen isod, cyn llenwi’r ffurflen gais.
Os ydych eisoes wedi cofrestru gan ddefnyddio ap Fy Sir Fynwy, sydd ar gael ar hyn o bryd ar ddyfeisiau Apple, Android, a Windows, yna gallwch ddefnyddio’r un e-bost a chyfrinair i fewngofnodi.
