Diweddariad: Mae disgwyl i Gyngor Sir Fynwy i ddechrau gwaith ar Bont Gwy yn ystod Gwanwyn 2025.

Bydd dyddiad dechrau’r prosiect, sy’n amodol ar sicrhau pob caniatâd sydd ei angen, yn cael ei gadarnhau maes o law.

Dros gyfnod o 12 wythnos, bydd gwaith yn dechrau i adnewyddu awyneb y ffordd ar yr A466, Pont Gwy

Ar hyn o bryd, rydym yn y broses o sicrhau caniatâd perthnasol i wneud y gwaith. Isod, fe welwch ragor o wybodaeth am y cynlluniau cyfredol

⚠️ Cau ffyrdd

 
Yn dilyn adborth gan drigolion yn 2023, rydym yn gwneud cais am Orchymyn Traffig Ffyrdd Dros Dro i gau’r bont rhwng 8pm a 6am am 12 wythnos. Yn ystod y cyfnod hwn, bydd gan y gwasanaethau brys a cherddwyr fynediad i groesi’r bont.

Drwy gydol y cyfnod, bydd llwybr dargyfeirio ar gael rhwng 8pm a 6am. 

💬 Cwestiynau Cyffredin

Q1. Pryd fydd y gwaith yn digwydd?

Disgwylir i’r gwaith ddechrau yn ystod Gwanwyn 2025 ac amcangyfrifir y bydd yn cymryd 12 wythnos. Unwaith y bydd dyddiad wedi’i gadarnhau, bydd hwn yn cael ei ddiweddaru trwy ein gwefan a’n cyfryngau cymdeithasol.

Q2. Faint o’r gloch bydd y gwaith yn dechrau ac yn gorffen?

Bydd y gwaith ail-wynebu yn cael ei wneud rhwng 8pm a 6am o ddydd Llun i ddydd Gwener.

Q3. A fydd y bont ar gau?

Rhwng yr oriau 8pm a 6am o ddydd Llun i ddydd Gwener, bydd Pont Gwy ar gau i draffig. Bydd y bont ar agor drwy’r dydd a thros y penwythnosau.

Q4. A fydd modd i mi groesi’r Bont o hyd?

Bydd gwaith dros nos yn golygu y bydd y bont ar gau i draffig rhwng 8pm a 6am o ddydd Llun i ddydd Gwener. Bydd mynediad yn parhau yn ei le ar gyfer gwasanaethau brys a cherddwyr sy’n cerdded neu’n beicio.

Q5. Pa waith fydd yn cael ei wneud?

Byddwn yn gosod arwyneb newydd ar y bont. Bydd yr arwyneb presennol yn cael ei godi fesul tipyn a’i ailosod gydag arwyneb aberthol i ganiatáu i draffig groesi’r bont drannoeth. Pan fydd digon o ddarnau’n barod, bydd yr arwyneb aberthol yn cael ei godi a’i ail-osod yn llawn gyda haen barhaol o darmac wedi’i selio.

Q6. Faint sy’n cael ei wneud?

Bydd y gwaith yn cael ei ganolbwyntio ar y bont yn ystod y nos.

Q7. Yn wreiddiol cynigiwyd y byddai’r bont yn cau’n llwyr am 5-6 wythnos?

Y bwriad gwreiddiol oedd tynnu’r haen ac yna rhoi arwyneb newydd arno gyda haen barhaol gan olygu na fyddai traffig yn cael teithio dros y bont. Yn dilyn trafodaethau gyda thrigolion a busnesau, bydd y rhaglen newydd yn cael ei chyflwyno o dan weithio gyda’r nos er mwyn caniatáu i’r bont aros ar agor ar gyfer traffig oriau brig yn ystod y dydd.

Q8. Beth fydd yn digwydd os caiff y gwaith ei ganslo oherwydd tywydd gwael?

Gall tywydd effeithio’n ddifrifol ar ansawdd atgyweiriadau arwyneb ffyrdd. Lle mae tywydd yn debygol o effeithio ar waith, byddwn yn sicrhau ein bod yn diweddaru ein cyfryngau cymdeithasol.

Q9. Pam na wnaethoch chi wneud y gwaith hyn yr hydref diwethaf?

Cynlluniwyd y gwaith cynnal a chadw yn Hydref 2023 i sicrhau nad oedd arwyneb y ffordd yn dirywio ymhellach dros y gaeaf ac yn cadw’r arwyneb yn fwy diogel i ddefnyddwyr y ffordd. Gwaith dros dro oedd y rheini a oedd yn cadw’r arwyneb yn ddiogel ond nad oedd yn ateb hirdymor o roi arwyneb newydd ar y bont a’i selio.