Mae’r canlynol yn amlygu rhai o’r materion y byddwch am eu hystyried cyn ymgymryd ag unrhyw waith adnewyddu.
I gael rhagor o wybodaeth am gymorth ariannol wrth adnewyddu eich eiddo, mae’r grantiau a’r benthyciadau canlynol ar gael:-
Caniatâd Cynllunio
Mae’n debyg y bydd angen caniatâd cynllunio os yw’r gwaith adnewyddu’n cynnwys:
Dymchwel ac adeiladu rhywbeth newydd;
Gwneud newid mawr i’ch adeilad e.e. adeiladu estyniad
Newid defnydd eich adeilad.
Argymhellir eich bod yn trafod hyn gyda’n hadran gynllunio cyn gynted â phosibl. Byddant yn gallu rhoi cyngor i chi os bydd angen caniatâd cynllunio arnoch ac os byddwch yn gwneud hynny, rhoi cyngor i chi ar sut i wneud cais.
Os yw eich eiddo mewn ardal gadwraeth bydd rheolau llymach yn gysylltiedig â chynllunio.
Rheoli Adeiladu:
Os ydych yn gwneud unrhyw addasiadau i eiddo gwag, efallai y bydd angen i chi drafod hyn. Gall rheoli adeiladu gynnig cyngor ac arweiniad ynghylch a oes angen cymeradwyaeth rheoliadau adeiladu ai peidio, a gall gynnig cyngor ar y safonau gofynnol.
Mae rheoliadau adeiladu yn set o safonau gofynnol y mae’n rhaid i’r holl ‘waith adeiladu’ eu bodloni a gallant fod yn berthnasol i unrhyw estyniad neu addasiad a wnewch i’ch cartref. Maent yn ymdrin â phob agwedd ar adeiladu gan gynnwys sefydlogrwydd y strwythur, diogelwch tân, atal lleithder, inswleiddio, awyru, darparu cyfleusterau ac ati.
Adnewyddu a Gostyngiadau TAW:
Os yw eich cartref gwag wedi bod yn wag am ddwy flynedd neu fwy, gallech fod yn gymwys i gael cyfraddau is o daliadau TAW ar unrhyw waith adnewyddu a wneir os ydych yn defnyddio contractwr a gofrestrwyd ar gyfer TAW ac nad ydych yn prynu deunyddiau nac yn gwneud y gwaith eich hun. Bydd angen i chi ddangos tystiolaeth bod yr eiddo wedi bod yn wag am ddwy flynedd. Gallwn wneud ymholiadau gyda Threth y Cyngor ac ysgrifennu llythyr yn cadarnhau faint o amser y mae’r eiddo wedi bod yn wag i chi ei roi i’ch adeiladwr.
Gall adeiladwr godi cyfradd o 5% (yn hytrach nag 20%) os yw’r eiddo wedi bod yn wag am o leiaf ddwy flynedd. Gellir defnyddio’r gyfradd ostyngol hon ar gyfer gwaith atgyweirio, cynnal a chadw neu welliannau a wnaed i adeiladwaith yr adeilad.
Os yw’r eiddo wedi bod yn wag am 10 mlynedd neu fwy cyn i’r gwaith ddechrau, gall y TAW fod yn sero ar gyfer gwerthu neu gynnig prydles sy’n hwy na 21 mlynedd, ar yr amod bod yr eiddo yn parhau i gael ei ddefnyddio at ddibenion preswyl. Os mai’r bwriad yw adnewyddu’r eiddo a symud i mewn, yn hytrach na gwerthu neu brydlesu, yna mae’n bosibl y byddwch yn dal i allu gwneud hawliad o dan Gynllun Ad-dalu Adeiladwyr Gwaith yn y Cartref. Gellir adennill y TAW ar y deunyddiau adeiladu a ddefnyddir oddi wrth Gyllid a Thollau ei Mawrhydi.
Am fwy o wybodaeth ewch i: https://www.gov.uk/vat-builders