Tiwtor: Kate Evans

DISGRIFIAD O’R CWRS:

Bydd dysgwyr yn creu brasluniau ffiguraidd o fodel am ddwy awr. Fel arfer ymarfer twymo o ychydig o orweddiadau 2-5 munud yr un ac i ddilyn ceir gorweddiad estynedig am weddill y sesiwn.

Mae model wahanol/gwahanol a gorweddiadau gwahanol bob wythnos. Mae’r cwrs yn addas i bawb o ddechreuwyr i arbenigwyr. Bydd dysgwyr yn adeiladu ar sgiliau darlunio technegol, mesur cyfannedd, onglau a ffurf gyffredinol y ffigwr.

UNRHYW DDEFNYDDIAU/OFFER SYDD EU HANGEN GAN FYFYRWYR

Papur a Phensiliau. Mae cyfryngau fel pastelau, dyfrlliw ayb yn ddewisol ond yn dda os yw’r dysgwr eisiau mabwysiadu lliw fel rhan o’u canlyniadau.

(mae byrddau a standiau yn cael eu darparu)

Tiwtor: Kate Evans BA Celfyddyd Gain/ MFA Ymarfer Celf

Bu darlunio yn rhan hanfodol o fy mywyd cyhyd ag y gallaf gofio. Fel plentyn ac ymlaen i fywyd fel oedolyn mae’r ffordd y mae person yn darlunio pwnc bob amser yn wahanol i bawb arall sy’n darlunio o fewn yr un ystafell yn edrych ar yr un pwnc. Dyma beth sydd bob amser wedi fy nghyfareddu. Rwy’n gweld darlunio fel ffordd o weld ac ymddengys fod pawb ohonom yn gweld y byd mewn ffordd unigryw.

Rwy’n trosglwyddo fy ngwybodaeth dechnegol a 11 mlynedd o brofiad fel model bywyd i ymarfer addysgu wrth arwain sesiynau darlunio ffigur. Mae gennyf gydymdeimlad ag egni ystum y model ac egni’r stiwdio tra bod y rhai sy’n bresennol yn diffinio’r ffurf yn y cyfrwng a ddewiswyd ganddynt.

Fy mwriad yw galluogi pob unigolyn i wneud darganfyddiadau newydd. Mae’n dda aros o fewn cyfrwng sy’n helpu darlunio i ragori, ond mae’r un mor bwysig i ddechrau llwybrau newydd o ymchwilio. Sut mae’r deunydd newydd yma’n ymateb? Sut fedraf i ddefnyddio hyn?

Mae gan fy ngwaith artistig gysylltiad dwys gyda’r weithred o ddarlunio a’r ffigurol. Caiff pob sesiwn yr wyf yn diwtor ynddi ei theilwra i fod yn addas ar gyfer pob lefel o allu a rhoddir llawer o bwyslais ar hyfforddiant a datblygiad unigol.