Skip to Main Content

Monmouthshire

A-Y GwasanaethauEnglishHygyrchedd

Gwasanaethau Addysg / Gwasanaeth Cyfeirio Disgyblion Sir Fynwy

Gwasanaeth Cyfeirio Disgyblion Sir Fynwy

Erthygl wedi ei diweddaru:

Gwasanaeth Cyfeirio Disgyblion Sir Fynwy

Mae Gwasanaeth Cyfeirio Disgyblion Sir Fynwy yn ddarpariaeth portffolio ymatebol gyda chanolfannau yng Ngogledd a De’r sir.  Mae’r Gwasanaeth Cyfeirio Disgyblion yn darparu addysg i blant a phobl ifanc sy’n profi anghenion cymdeithasol, emosiynol ac iechyd meddyliol, gan gynnwys y rhai sydd, oherwydd salwch, gwaharddiad neu fel arall, yn derbyn addysg o’r fath mewn ysgol brif ffrwd.   

Mae Gwasanaeth Cyfeirio Disgyblion Sir Fynwy yn cynnig amrywiaeth o addysgu a dysgu o ansawdd uchel, a chefnogaeth gyfannol sy’n canolbwyntio ar yr unigolyn, er mwyn grymuso dysgwyr i fod yn ddysgwyr galluog uchelgeisiol; cyfranwyr mentrus, creadigol, unigolion hyderus iach, a dinasyddion moesegol, gwybodus.

Mae elfen Uned Cyfeirio Disgyblion y gwasanaeth yn darparu ymateb statudol a chyflym yn aml ar fyr rybudd i’r disgyblion hynny sydd wedi’u gwahardd yn barhaol o’u hysgol.  Mae hefyd yn darparu ymyrraeth a chymorth i ddisgyblion sydd mewn perygl o gael eu heithrio, drwy feithrin a chryfhau lles emosiynol a sgiliau cymdeithasol dysgwyr.

Mae’r Gwasanaeth Cyfeirio Disgyblion hefyd yn darparu Darpariaeth feddygol Addysg Heblaw yn yr Ysgol i ddisgyblion sy’n rhy sâl i fynychu’r ysgol ar hyn o bryd.

Mae’r Gwasanaeth Cyfeirio Disgyblion yn cynnig cwricwlwm deniadol sy’n canolbwyntio ar ddatblygu dysgwyr fel cyfranwyr effeithiol i gymdeithas. Yn ogystal â phynciau craidd, mae dysgwyr hefyd yn cael cyfle i gymryd rhan mewn astudiaethau galwedigaethol, ac fe’u cefnogir i wella eu hanghenion cymdeithasol, emosiynol a lles.  

Bwriedir i’r Gwasanaeth Cyfeirio Disgyblion fod yn ddarpariaeth tymor byr gyda ffocws ar gefnogi ailintegreiddio dysgwyr yn ôl i ddarpariaeth prif ffrwd lle bo hynny’n ddiogel ac yn briodol. 

Mae’r Gwasanaeth Cyfeirio Disgyblion wedi cael adolygiad, ac mae newidiadau diweddar yn adlewyrchu’r gwelliant parhaus i’r gwasanaeth ac yn cynnwys symud i ddau safle sydd newydd eu hadnewyddu yng Nghas-gwent a’r Fenni.

Manylion cyswllt

  • Gweinyddiaeth Gwasanaeth Cyfeirio Disgyblion

E-bost: pupilreferralservice@monmouthshire.gov.uk

  • Leila Phillips, Cydlynydd Cysylltiadau Cyhoeddus Dros Dro

E-bost: leilaphillips@monmouthshire.gov.uk Ffôn: 07917650184

  • Dr Morwenna Wagstaff, Pennaeth Gwasanaeth:  Cynhwysiant, Cyngor Sir Fynwy  

E-bost: morwennawagstaff@monmouthshire.gov.uk Ffôn: 01633 644032