Bydd Cyngor Sir Fynwy yn cynnal digwyddiadau galw heibio ym mis Rhagfyr i gynorthwyo trigolion gyda gwiriadau cymhwyster ar gyfer credyd pensiwn ynghyd â gwneud ceisiadau am gredyd pensiwn. 

Bydd y sesiynau galw heibio hyn yn rhoi cymorth ymarferol i breswylwyr, gan gynnwys mynediad i offer digidol am ddim, Wi-Fi, a chymorth digidol unigol.

Bydd cynrychiolwyr o Gyngor ar Bopeth a’r Adran Gwaith a Phensiynau yn cynnig cymorth ychwanegol ar y diwrnod.

Mae’r digwyddiadau’n agored i’r holl breswylwyr a’u nod yw helpu unigolion i gael mynediad at adnoddau gwerthfawr mewn awyrgylch cyfeillgar a hamddenol.

Bydd y digwyddiadau yn cael eu cynnal yn y lleoliadau canlynol:

• Hyb Cas-gwent: Dydd Llun, 9fed Rhagfyr, 09:30 AM – 12:30 PM
• Hyb Cil-y-coed: Dydd Mawrth, 10fed Rhagfyr, 09:30 AM – 12:30 PM
• Hyb y Fenni: Dydd Mawrth, 10fed Rhagfyr, 10:00 AM – 1:00 PM
• Hyb Gilwern: Dydd Mawrth, 10fed Rhagfyr, 2:30 PM – 5:00 PM
• Hyb Trefynwy: Dydd Mercher, 11eg Rhagfyr, 10:00 AM – 1:00 PM
• Hyb Brynbuga: Dydd Iau, 12fed Rhagfyr, 10:00 AM – 1:00 PM

Dywedodd y Cynghorydd Angela Sandles, Aelod Cabinet Cyngor Sir Fynwy dros Gydraddoldeb ac Ymgysylltu: “Fel Cyngor, rydym wedi ymrwymo i sicrhau bod gan bawb y gefnogaeth a’r arweiniad angenrheidiol i gael mynediad at wasanaethau. Bydd ein tîm Datblygu Cymunedol cyfeillgar a phartneriaid ar gael i’w darparu. Rydym yn gwahodd trigolion i ddod am sgwrs gyfeillgar yn eu hyb lleol.”

Mae tîm Datblygu Cymunedol Cyngor Sir Fynwy wedi ymrwymo i gefnogi cymunedau drwy ddigwyddiadau sydd â’r nod o fynd i’r afael â chostau byw, trefnu cyrsiau hyfforddi, a helpu grwpiau cymunedol lleol i sefydlu a chynnal digwyddiadau.

Dysgwch fwy yma: www.monmouthshire.gov.uk/cy/materion-arian/