Ar ddydd Sadwrn, 10fed Awst, ymunodd teuluoedd â Diwrnod Antur Hygyrch Awyr Agored MonLife yng Nghanolfan Awyr Agored Gilwern.
Roedd y diwrnod yn llawn o weithgareddau a fwynhawyd gan deuluoedd a swyddogion, gyda gwên yn amlwg ar wynebau pawb a fynychodd. Un o uchafbwyntiau’r diwrnod oedd sgwrs rhwng mab a’i dad. Clywyd y mab yn annog ei dad i “Dal yn dynn, Dadi!” wrth iddynt fwynhau’r abseilio.
Roedd y gweithgareddau, a addaswyd fel bod pawb yn gallu cymryd rhan, yn cynnwys abseilio, saethyddiaeth, chwarae dŵr, pentyrru cewyll, a llawer mwy.
Dywedodd y Cynghorydd Angela Sandles, Aelod Cabinet Cyngor Sir Fynwy dros Gydraddoldeb ac Ymgysylltu: “Roedd yn ddiwrnod gwych yng Nghanolfan Awyr Agored Gilwern. Roedd y diwrnod yn caniatáu i ni roi cyfle i deuluoedd ddod draw a chymryd rhan yn y gweithgareddau rhad ac am ddim sydd ar gael yn y ganolfan. . Bydd gweld pawb yn cymryd rhan gyda gwên yn aros gyda mi am amser hir yn fy nghof.”
Ariennir y prosiectau hyn yn rhannol gan Lywodraeth y DU drwy Gronfa Ffyniant Gyffredin y DU.
Mae Canolfan Awyr Agored Gilwern wedi’i lleoli yng Ngilwern, Y Fenni, ac mae wedi’i lleoli ger rhai o’r amgylcheddau awyr agored gorau y gallech fod am ddod o hyd iddynt unrhyw le yn y DU, gan gynnwys Afon Wysg, y Mynyddoedd Du a Bannau Brycheiniog ar garreg y drws. Ar y safle, mae llety cyfforddus gyda digon o le yn yr ardaloedd cymunedol i blant ddod at ei gilydd a dathlu eu cyflawniadau ar ôl diwrnod prysur o weithgareddau anturus.
Teulu yn mwynhau seiclo o amgylchHwyl yn y saethyddiaethPlant yn mwynhau pentyrru cewyll
Cyngor Sir Fynwy / Monmouthshire County Council
Dewiswch eich iaith os gwelwch yn dda
Please select your language
Croeso i Sir Fynwy
Welcome to Monmouthshire
Unwaith y byddwch wedi dewis iaith, byddwn yn defnyddio cwcis i gofio ar gyfer y tro nesaf
Once you've selected a language, we'll use cookies to remember for next time.