Rydym yn sefydliad democrataidd o gynghorwyr etholedig a chyflogwn swyddogion sy’n gyfrifol am reoli o ddydd i ddydd.

Mae ein pencadlys ym Mrynbuga ac mae gennym hefyd swyddfeydd ym Magwyr yn ogystal â’r ‘siopau un stop’  lle gall preswylwyr alw heibio i wneud ymholiadau.

Cyflogwn tua 4,500 o bobl. Lle’n bosibl, mae gan staff eu gliniaduron eu hunain fel y gallwn weithredu poilisi o un desg i ddau o bobl – mae hyn yn arbed arian ac yn galluogi staff i weithio pryd bynnag a lle bynnag sy’n gweddu orau iddynt. Yr ethos gwaith ar draws y cyngor yw fod gwaith yn rhywbeth a wnewch ac nid yn rhywle yr ewch iddo.

Ein prif flaenoriaethau yn ein holl waith yw:

• Sicrhau fod gan bawb fynediad i addysg wych
• Diogelu pobl fregus
• Cefnogi economi cryf

Anelwn fod yn gyngor agored ac agos atoch a chaiff popeth ar ein gwefan ei gyhoeddi dan Drwydded Llywodraeth Agored. Anelwn hefyd i wella wrth wneud ein data’n agored, sy’n golygu ei fod ar gael mewn fformat rhwydd cael mynediad iddo. Mae mwy o wybodaeth ar hyn ar ein tudalen data agored.

Gweledigaeth, strategaethau, polisïau a chynlluniau

Perfformiad

Rydym yn monitro ein perfformiad yn barhaus ac ar ddechrau pob blwyddyn, ym mis Mai fel arfer, rydym yn cynhyrchu Cynllun Gwella sy’n disgrifio’r hyn a wnawn i wella gwasanaethau a chyflawni ein blaenoriaethau fel sefydliad.

Partneriaeth

Mae’r Bwrdd Gwasanaethau Lleol yn gyfarfod o swyddogion gweithredol o sefydliadau gwasanaethau cyhoeddus Sir Fynwy.

Mae’r Bwrdd Gwasanaethau Lleol yn eistedd o fewn ein strwythur partneriaeth. Mae’r grŵp yn diweddaru prif raglenni gweithio partneriaeth a thrafod gwell gweithio partneriaeth i ddarparu gwasanaethau cyhoeddus gwell yn Sir Fynwy.

Cyllidebau a gwariant

Rydym yn cymryd ein cyfrifoldeb i reoli cyllid cyhoeddus o ddifrif calon. Gweithiwn gyda chynghorwyr a chydweithwyr mewn adrannau eraill i sicrhau rheolaeth ariannol gadarn gwasanaethau ar gyfer pobl Sir Fynwy.

Diogelu data

Mae Cyngor Sir Fynwy wedi cofrestru dan Ddeddf Diogelu Data 1998, gan alluogi’r Cyngor i brosesu data personol.

Rhyddid Gwybodaeth

Mae Deddf Rhyddid Gwybodaeth 2000 yn galluogi pawb i ofyn i ni ryddhau gwybodaeth sydd gennym ar unrhyw bwnc neilltuol.

Cydraddoldeb, hygyrchedd ac amrywiaeth

Mae gennym ymrwymiad i hyrwyddo cydraddoldeb ac amrywiaeth ar draws ein holl wasanaethau a sicrhau eu bod yn hygyrch i bawb.

Newyddion a datganiadau i’r wasg

Mae pethau’n newid yn aml yn Sir Fynwy ac mae ein gwasanaethau’n gweithio’n galed i wella’n barhaus. Gallwch weld ein holl ddatganiadau i’r wasg ar ein gwefan neu gysylltu â’r tîm cyfathrebu.