Mae Sir Fynwy yn mynd i’r afael â’r felan ym mis Ionawr drwy ddosbarthu 120 o becynnau bwyd ‘Sunshine Curry’ i bum lleoliad sy’n cefnogi darpariaethau bwyd ar draws y Sir.

Wedi’i hariannu gan Bartneriaeth Bwyd Sir Fynwy, mae’r fenter hon yn tanlinellu ymrwymiad y Sir i fynd i’r afael ag ansicrwydd bwyd a chefnogi lles cymunedol. Mae’r pecynnau bwyd wedi’u cynllunio i fod yn hawdd i’w paratoi, gan gynnig saig gynnes a maethlon i drigolion i fywiogi eu diwrnod.

Mae’r pecynnau wedi’u dosbarthu i leoliadau gan gynnwys:

·        Cwtch Angels

·        Food Club @ Wyesham Warren 

·        Food Club @ Chepstow 

·        Pobl Group

·        Oergell Gymunedol Magwyr a Gwndy 

Yn cynnwys tatws melys hufennog, ffacbys, a chyrri sbinaets, nod y citiau yw codi ysbryd unigolion a darparu prydau cysurus yn ystod yr amser heriol hwn o’r flwyddyn.

Mae darpariaethau bwyd cymunedol yn chwarae rhan anhygoel wrth gefnogi preswylwyr, yn enwedig yn ystod cyfnod heriol.

Gall cydweithio â sefydliadau a gwirfoddolwyr lleol fynd i’r afael ag effaith tlodi bwyd, cryfhau cysylltiadau cymunedol a meithrin gwytnwch yn lleol.

Mae’r ymdrech hon yn adeiladu ar ddwy ymgyrch pecynnau pryd bwyd a fu’n llwyddiannus cyn hyn: pecynnau pryd nwdls cyw iâr a ddosbarthwyd ar gyfer Diwrnod Cenedlaethol Nwdls ar 6ed Hydref 2024, yn cyflwyno pryd un pot, sy’n addas i deuluoedd, 

wedi’i gefnogi gan Rowse Honey a strewsel afalau ar y stôf ar gyfer Diwrnod Cenedlaethol Afalau ar 21ain Hydref 2024.

Dywedodd Aelod Cabinet Cyngor Sir Fynwy dros Gydraddoldeb ac Ymgysylltu, Angela Sandles: “Mae’r pecynnau pryd hyn yn syniad gwych a byddant yn helpu trigolion sy’n cael trafferth gyda thlodi bwyd.

“Mae’r rysáit a’r cynhwysion yn syml, a’r canlyniad yw pryd blasus a maethlon y gall pawb ei fwynhau.

“Mae cryfhau cysylltiadau ac adeiladu cefnogaeth yn hanfodol i gefnogi ein grwpiau mwyaf bregus trwy gyfnodau anodd y gallent eu hwynebu.”

Tags: Food, Monmouthshire, news